Ինչպես խնամել ոտքերը. Սալուտեմ ամսագիր №3

Ոտքերն օգնում են տեղաշարժվել ամբողջ օրվա ընթացքում: Ամեն օր քայլքի ժամանակ ոտքերը, փաստորեն, իրենց վրա կրում են քաշը կրկնակի գերազանցող ծանրաբեռնվածություն: Այդ պատճառով շատ կարևոր է խնամել դրանք: Ոտքերի գեղեցիկ տեսք ունենալը հատկապես հաճելի է ամռանը:

Երեք քայլ գեղեցիկ ոտքեր ունենալու համար

1. Շաբաթական առնվազն երկու անգամ կիրառեք սկրաբ: Քսեք այն ոտնաթաթի չոր մաշկին և մի քանի րոպե նրբորեն տրորեք ոտքերը, ապա` լվացեք:
2. Խոնավացրեք ամեն օր: Մարդկանց մեծամասնության մոտ ոտքերի հետ կապված ամենատարածված խնդիրը ոչ բավարար խոնավացումն է: Լողանալուց հետո քսեք խոնավացնող միջոցներ: Բութ մատերով մերսեք ոտնաթաթը, այնուհետև` կրունկը: Յուրաքանչյուր ոտքին տրամադրեք 5-10 րոպե:
3. Խնամեք եղունգները: Պարբերաբար կարգի բերեք և կտրեք եղունգները լոգանքից հետո, քանի որ այդ ընթացքում դրանք փափկում են: Եղունգերը շրջապատող մաշկի համար օգտագործեք յուղ:

Ինչպես օգտագործել ոտքերի համար նախատեսված քսուքը

• Քսուքը քսեք մերսող շարժումներով՝ կրունկից դեպի ոտնաթաթի վերին մասը:
• Շրջանաձև շարժումներով մերսեք ոտնաթաթը և կոճի ու կրնկի ջլերի շուրջը:
• Եթե ոտքի մաշկը շատ չոր է կամ վնասված, քնելուց առաջ հաստ շերտով քսուք քսեք և ամբողջ գիշեր կրեք բամբակյա կիսագուլպաներ: Առավոտյան ոտքերը կլինեն փափուկ և խոնավացած:

Ինչպես ազատվել կրունկների չորությունից

• Ոտքերը 5-15 րոպե պահեք տաք ջրի մեջ. լավ արդյունք ստանալու համար կարող եք աղ ավելացնել:
• Պեմզան թրջեք տաք օճառաջրում, և խնամքով տրորեք կրունկի չոր մասերը:
• Սրբիչով չորացրեք մաշկը, բայց մի տրորեք, քանի որ պեմզայից հետո այն դառնում է զգայուն:
• Ոտքերի լարվածությունը հանելու համար, քնելուց առաջ, մերսող շարժումներով խոնավացնող քսուք քսեք կրունկներին:
• Ինչպես պահպանել ոտքերի թեթևությունը
• Հետևեք կեցվածքին, ընդունեք այնպիսի ուղիղ դիրք, որ կրծքավանդակը և գլուխը լինեն մեկ մակարդակի վրա:
• Օրվա վերջում մերսեք ոտքերը և ոտնաթաթերը՝ օգտագործելով եթերային յուղեր:
• Երբեմն ընդունեք սառը ցնցուղ՝ արյան շրջանառությունը խթանելու համար:
• Սննդակարգում ներառեք Е վիտամինով հարուստ մթերք՝ մաշկի բջիջները պաշտպանելու համար:
• Ինչպես եղունգները դարձնել ամուր և առողջ
• Արյան հոսքը դեպի եղունգներ լավացնելու համար յուղ քսելուց հետո մերսեք դրանք:
• Լաքը մաքրելու համար մի օգտագործեք կոշտ քիմիական հեղուկներ:
• Մինչև քնելը եղունգներին քսեք օրգանական յուղեր:

Սննդակարգում ներառեք ավելի շատ միս, ձուկ, հատիկավորներ և տոֆու: Oգտակար յուղերով հարուստ են նաև սաղմոնը, սկումբրիան, ընկուզեղենը, արևածաղկի սերմերը և կտավատի ալյուրից պատրաստված սնունդը:

https://www.loccitane.ru

«ՍԱԼՈՒՏԵՄ» առողջ ապրելակերպի ամսագիր
Պետական գրանցման համար․ 211․200․00969
[email protected]
+(374) 91 64 10 15
+(374) 98 79 15 15

Հարցեր, պատասխաններ, մեկնաբանություններ